लण्डन-काठमाडौं

बेलायतबासी महिलाहरुको पहलमा मृगौला पीडित माननीय शान्ति अधिकारीलाई आर्थिक सहयोग

 

७ मार्च २०१८

 

दुवै मृगौलाले काम नगर्ने अबस्थामा पुगेकी बाग्लुंग निवासी राष्ट्रिय सभा सदस्य शान्ति कुमारी जिसी अधिकारीको मृगौला प्रत्यारोपणको लागि बेलायतमा वस्ने महिलाहरुको बिशेष पहलमा करीब दुइ हप्ताको अबधीमा संकलित रकम १४ लाख ७७ हजार गत ७ मार्चका दिन एक कार्यक्रम गरी नेपालमा हस्तान्तरण गरिएको छ । 

 

उक्त सहयोग रकम कार्यक्रममा सहयोग दाताको तर्फवाट नेपालमा रहनु भएका क्षेत्री समाज वेलायतका आजीवन सदस्य धन वहादुर क्षेत्री, बागलुङे समाज वेलायतका नरसिंह छन्त्याल तथा प्रेम कुमारी छन्त्यालले बागबजार स्थित होटल हार्दिकमा एक समारोहका बीच पीडित शान्ती अधिकारी तथा उनको श्रीमान गोबिन्द अधिकारीलाई उक्त रकमको चेक हस्तान्तरण गर्नुभएको थियो । कार्यक्रममा सामाजिक व्यक्तित्वहरु धन बहादुर बिस्ट, लिला बहादुर कुँवर, राधिका कुवँर दुलाल तथा दिल बहादुर जिसी लगायतका महानुभाबहरुको उपस्थिति रहेको थियो भने कार्यक्रमको संचालन लिला बहादुर कुँवरले गर्नुभएको थियो ।

 

बागलुङ जिल्लाको वडिगाड गाउँपालिका वडा नं. २ सिमलचौर निवासी शान्ति जिसी अधिकारी बिगत २ वर्ष देखि दुवै मृगौलाले काम नगर्ने रोगवाट पीडित थिइन । राजनीति तथा सामाजिक कार्यहरुमा सक्रिय अधिकारीको आर्थिक अबस्था निकै कमजोर भएको तर उपचारको लागी करीब २० लाख लाग्ने भएपछि उनले देश बिदेशका आफ्ना सबै आफन्तहरुसंग सहयोगको लागी याचना गरिन । उनको अनुरोधमा बेलायतमा रहेका अधिकारीका स्कुले जीवनका साथी तथा आफन्तहरु प्रतिमा केसी, शारदा कुँवर र लक्ष्मी बस्नेतको बिशेष पहलमा क्षेत्री समाज बेलायत, बाग्लुंगे समाज बेलायत तथा बिभिन्न सहयोगी महानुभाबहरुबाट सो रकम संकलन गर्न सफल भएका हुन । रकम संकलनका साथै उनका श्रीमान गोबिन्द अधिकारीले आफ्नो मृगौला दान दिने भएपछी उपचार सम्भब भएको हो ।

 

यस आर्थिक सहयोग संकलन कार्यक्रमको संयोजन क्षेत्री समाज बेलायतकी उपाध्यक्ष तथा तात्कालिन आपतकालीन राहतकोष संयोजक प्रतिमा केसीले गरेकी थिइन् । उपाध्यक्ष केसीले शारदा कुँवर, लक्ष्मी बस्नेत रहेको तीन सदस्यीय सहयोग समिति बनाइन । त्यो समितिमा रहेकी शारदा कुँवरले बाग्लुंगे समाजसंग सहयोगको लागी अपिल गरिन भने क्षेत्री समाज युकेको आपतकालीन राहत कोष संयोजक समेत रहेकी प्रतिमा केसीले क्षेत्री समाजमा यसलाई संयोजन गरिन । त्यसै गरी सामाजिक रुपमा सक्रिय लक्ष्मी बस्नेतले बिभिन्न महानुभाबहरुसंग ब्यतिगत रुपमा पहल गरिन । यस अभियानमा प्रतिमा केसीको व्यक्तिगत पहलमा रु २,११,९७४, क्षेत्री समाजका सदस्यहरु मार्फत रु ३,९८,०७६, बाग्लुंगे समाजबाट रु २,५९,०१४, शारदा कुँवरको व्यक्तिगत पहलमा रु ३,२६,१९३ र लक्ष्मी बस्नेतको व्यक्तिगत पहलमा रु २,८१,६५२ गरी जम्मा १४ लाख ७७ हजार रकम संकलन भएको थियो । स्मरणीय कुरा के छ भने यस अभियानलाइ महिलाहरुले मात्र संयोजन र नेतृत्व गरेर यति ठुलो रकम जम्मा गरेका हुन ।

 

यसै बीच सो अभियानको संयोजनको गरिरहेकी प्रतिमा केसीले महिला दिदीबहिनीको मात्र संयोजनमा यति ठुलो रकम संकलन गर्न सफल भएकोमा आफुहरु निकै खुसी र उत्साहित रहेको कुरा आफ्नो फेसबुक मार्फत सार्बजनिक गरेकी छन । फेसबुक मार्फत उदार मनले यस मानवीय कार्यमा सहयोग गर्नु हुने सबैलाई धन्यबाद समेत दिएकी छन ।

Banner
some content here
sradanjali
 थप पोस्ट

धादिङ-नुवाकोट समाज युके को बार्षिक भेटघाट कार्यक्रम

लण्डन । धादिङ र नुवाकोट जन्म भई बेलायतमा बसोवास गर्दै आएकाहरुको संस्था धादिङ–नुवाकोट समाज बेलायतले बार्षिक भेटघाट कार्यक्रम भव्य रुपमा सम्पन्न गरेको छ । बेलायतको लण्डनस्थित साउथ ह्यारोमा धादिङ नुवाकोट समाजले विशेष भेटघाट कार्यक्रमको आयोजना गरेका हुन । बिगत ११ बर्ष देखी कृयाशिल यस संस्था केहि बर्ष देखी अत्यन्तै सकृय र सृजनशीलरूपमा बेलायतमा अग्रणी सामाजिक संस्थामा लिईन्छ! यस्को गत ३/४ बर्षको कार्यक्रमको फेहरिस्तीले सो कुराको पुनर्पुष्टी गर्छ! कार्यक्रममा धादिङ र नुवाकोटमा जन्म भई बेलायतलाई मुल कर्मथलो बनाएर बसोवास गर्नेहरुको ठुलो संख्यामा उपस्थिती रहेको थियो ।

Bhanu

भेटघाट कार्यक्रममा धादिङ नुवाकोट समाजका अध्यक्ष चोक तामाङले आफ्नो जन्मभुमिको सम्झाना र सम्मानका खातिर समाज गठन भएको र यसले धादिङ र नुवाकोटेहरुलाई भावनात्मक एकताको कसीमा ल्याएको बताउनुभयो । समाजले मुलतः जन्मभुमिप्रति सदैव इमान्दार भएर सम्मान गर्ने काम गरेको बताउनुभयो । कार्यक्रमका प्रमुख अतिथि बेलायतका लागि राजदुत डा. दुर्गाबहादुर सुवेदीले यस्ता कार्यक्रमहरुले आफु जन्मेको माटोलाई सदैव सम्झाउने र जिम्मेवारी बोध गराउने बताउनुभयो । यसले आफु जन्मेको ठाउँलाई विर्सन नदिने र सधै उन्नतीको पथमा अगाडी डोर्याउने प्रेरणा दिने बताउनुभयो । उनी अझै भाबुक हुंदै आफ्नो यो समाजको मौलिकता र कृयाशिलता तथा भावनात्मक अपनत्वले ब्यस्त कार्यतालिकालाई थाती राख्दै यहांहरुको साथमा रहन आएको बताए ! कार्यक्रममा सामाजिक अभियन्ता तथा एन आर एन आई सी सी सदस्य तथा समाजका सल्लाहकार रामशरण सिम्खडाले धादिङ नुवाकोट समाजले दुई जिल्ला भौगोलिक, राजनीतिक र सामाजिक बिबिधतालाई चिर्दै एकअर्कालाई एकाकार गरेकोले यसको महत्व छुट्टै रहेको बताउनुभयो । यस्तो प्रकारको संस्थाहरुले अखण्डतालाई विशेष ध्यान दिदै सामारिक महत्व समेत राख्ने बताउनुभयो । उनले आफ्नै चिरपरिचित मौलिक शैलीमा घोड़ा र खसी को कथा सुनाउंदै सामाजिक अभियान बिना स्वार्थ आफ्नो मातृभूमी प्रतिको कर्तब्यबोधका लाग्न समाजलाई बिषेश अनुरोध गरे !

Bhanu

कार्यक्रममा जोनमोर यूनिवर्सिटी का एसोसियट डिन प्रा डा पदम सिमखडा, पत्रकार महासंग यूके शाखाका बरिष्ठ उपाध्यक्ष ध्रुब राज अर्याल, मेन्दोमाया परिवारका अध्यक्ष हरिसिं वाईबा, मे (री) बिष्णु घले, तमुधी यूके अध्यक्ष ज्ञाम गुरूड्गले समाजको बिबिध आयामबारे प्रकाश पार्दै मन्तब्य राख्नु भएको उक्त कार्यक्रममा स्वागत मन्तब्य उपाध्यक्ष दीप ब तामाड्गले गरेका थियो भने उत्कृष्ट संस्कृतिक कार्यक्रमको संयोजन र संचालन अर्की उपाध्यक्ष देबी रानी गुरूंगले गरेकी थिईन ! जिल्लाको सामाजिक काममा सहयोग पुर्याउनु भएका बिभिन्न संघसंस्था तथा महानुभावहरूलाई सम्मान समेत गरिएको थियो ! कार्यक्रममा ४ सयको हाराहारीमा धादिङ–नुवाकोट वासीहरुको उपस्थिती रहेको थियो । कार्यक्रममा चर्चित लोक तथा दोहोरी गायिक मिना लामा र नायिक छुल्ठिम गुरुङको प्रस्तुतिले सबै सहभागिको मन जितेको देखिन्थ्यो । कार्यक्रममा सहभागी अधिकॉसले यस्तो भब्य, सभ्य र सुब्यबस्थीत कमै कार्यक्रम हुंने हुदा भरपुर मनोरंजनको साथै आत्मिएता बाडिएको प्रतिकृया दिए !

Bhanu

 

Bhanu

बाह्रौ रेडिंग कप फुटबलको भब्य तयारी

बेलायतमा नेपालीहरुको बाक्लो बस्ती भएको प्रमुख शहरहरु मध्यको एक प्रमुख शहर हो रेडिंग । रेडिंगमा दर्जनौ नेपाली संघसंस्थाहरु क्रियाशील रकेका छन ती सबै संघसंस्थाको छाता संगठनको रुपमा रहेको छ ग्रेटर रेडिंग नेपाली समाज । २००१ मा स्थापित यो समाज २००८ मा च्यारिटी कमिसनमा दर्ता गरिएको छ र यसले नियमित रुपमा समाजोपयोगी बिबिध गतिबिधी गर्दै आएको छ । यसले समाजमा युवाहरुको सहभागीता र आपसी भाइचारा बढाउने उद्धेश्यले बिगत लामो समयदेखि रेडिंग कप फुटबल आयोजना गर्दै आएको छ । यस बर्ष पनि “खेलको माध्यमबाट युवा शशक्तिकरण” भन्ने नारा सहित बाह्रौ संस्करण रेडिंग कप फुटबल गर्ने भएको छ ।

 

बेलायतमा हुने फुटबल प्रतियोगिताहरु मध्ये कै एक भब्य र पुरानो फुटबल टुर्नामेन्टको पूर्ण तयारी पुरा भैसकेको कुरा ग्रेटर रेडिंग नेपाली समाजका उपाध्यक्ष्य तथा रेडिंग कप फुटबल आयोजक समितिका संयोजक यादव श्रेष्ठले बताएका छन । आगामी २५ अगस्ट शनिबारका दिन स्थानीय पाल्मर पार्कमा हुने उक्त कपमा भेट्रान र नन भेट्रान गरी करीब २४ टिमको सहभागिता हुने कुरा संयोजक श्रेष्ठले बताएका छन ।  अहिले सहभागी हुने क्रम जारी रहेको र अनलाइन दर्ता गर्ने ब्यबस्था समेत रहेको कुरा संयोजक श्रेष्ठले बताए । यस प्रतियोगिताको पुरस्कार राशी पनि निकै आकर्षक रहेको छ । संयोजक श्रेष्ठका अनुसार यस बर्ष नन भेट्रानतर्फ बिजयी हुने समुहलाई १६०० पाउण्ड र उपबिजयी समुहलाई १००० पाउण्ड पुरस्कार राशी राखिएको छ भने भेट्रान तर्फ बिजयी समुहलाई १००० पाउण्ड र उपबिजयी समुहलाई ५०० पाउण्ड प्रदान गरिने छ ।

 

समाजको एउटा बिशेष पर्वको रुपमा मनाइने उक्त फुटबल टुर्नामेन्टमा बिबिध प्रकारका नेपाली खानाहरु उपलब्ध गराउनुका साथै भब्य नाचगान समेत गरिने कुरा समाजका महासचिब ओमकार अधिकारीले बताए । नेपाली उत्पादनका सामानहरु स्टलमा बिक्रि गरिने तथा बिबिध जानकारीमुलक स्टल समेत राखिने कुरा महासचिब अधिकारीले बताए ।

 

रेडिंग बरो काउन्सिलका मेयर र नेपाली राजदुताबासको समेत उपस्थितिमा हुने पुरस्कार वितरण समारोहमा पुरस्कार सौजन्य गर्ने महानुभावलाई बिशेष सम्मान गरिने कुरा समाजका अध्यक्ष्य कृष्ण न्यौपानेले बताएका छन । अध्यक्ष्य न्यौपानेले एक बिज्ञप्ति मार्फत समाजको गौरबको रुपमा स्थापित यस फुटबल टुर्नामेन्टलाइ भब्यतापुर्बक सम्पन्न गर्न सहयोग पुर्याउन सबै रेडिंगबासी नेपालीलाइ अपिल गर्दै बेलायतभर रहेका सबै संघ संस्थालाई सहभागी हुन समेत अनुरोध गरेका छन ।

रम्यो रेडिंग भानु जयन्तिमा

रेडिंग, युके
१६ जुलाई २०१८ 

सदा झैँ यस पटक पनि रेडिंगमा भानु जयन्ति कार्यक्रम प्रतियोगितात्मक कबिता गोष्ठीका साथ भब्य रुपमा मनाईयो । २०५ औ भानु जयन्तिका उपलक्षमा स्थानीय एक सभागृहमा भएको उक्त कार्यक्रम ग्रेटर रेडिंग नेपाली कम्युनिटी एसोसिएसन ( GRNCA ) द्वारा यहि जुलाई १४ तारिखको दिन  मनाईएको हो । GRNCA ले २०१६ मा ग़ैर आबासिय नेपाली संगठन बेलायत (NRNA UK ) को भाषा साहित्य बिभागसंग सहकार्य गर्दै मनाएको थियो भने गत बर्ष जस्तै यस पटक पनि साहित्य संगम युके संगै संयुक्त रुपमा मनाएको हो ।

Bhanu

भानुभक्तको तस्बिरमा माल्यार्पण गरी शुरुवात गरिएको ऊक्त कार्यक्रमको सभापतित्व रेडिंग नेपाली समाजका अध्यक्ष कृष्ण न्यौपानेले गरेका थिए भने प्रमुख अतिथि गितकार तथा संगीतकार किरण प्रधान थिए । कार्यक्रमको शुरुमा रेडिंग नेपाली समाजका अध्यक्ष्य न्यैपानेले ऊपस्थित सबैलाई श्वागत गरे भने साहित्य संगम युके का संस्थापक अध्यक्ष्य बिनोद अधिकारीले बेलायकमा भाषा साहित्य प्रतीको अभिरुचि र यस तर्फ बढ्दै गरेको मोह तथा रेडिंग नेपाली समाज र साहित्य संगम युके को सहकार्यको बारेमा आफ्नो मन्तब्य ब्यक्त गर्दै नेपाली भाषा साहित्यमा आदिकबी भानुभक्त आचार्यको योगदानको बारेमा पनि प्रकाश पारे । यसरीनै प्रमुख अतिथी किरण प्रधानले आँफ्नो अक्षर अभीयानको बारेमा प्रकास पार्दै गीत संगीत, कला र भाषा साहित्य प्रति बेलायतबासी नेपालीहरुको लगाब र योगदानको कदर गर्दै यस्ता कीसिमका बिभिन्न कार्यक्रमहरुमा सहभागी हुन पाऊँदा आँफुलाई ज्यादै खुसी लागेको बताए ।

कार्यक्रमको पहिलो चरणमा रेडिंग नेपाली समाजका सदस्य द्वय स्थानीय युबाहरु डा.प्रबिण दाहाल र डा. बासु पौड्याललाई समाजको तर्फबाट अध्यक्ष्य न्यौपाने द्वारा फुलको गुच्छा र शुभकामना संदेशका साथ सम्मान गरीएको थियो । दुबै व्यक्तित्वले हालै मात्र दुई छुट्टा छुट्टै बिश्वबिध्यालयबाट बिधाबारिधि हाँसिल गरेका हुन ।

Bhanu

त्यस पछी १८ बर्ष मुनीका र १८ बर्ष माथीका गरि छुट्टा छुट्टै समुहमा बिभाजन गरिएको कविता प्रतियोगिता आयोजना गरिएको थियो । कबिता मूल्यांकनको लागि गैरआबासिय नेपाली संगठन युकेका भाषा साहित्य बिभाग प्रमुख साहित्यकार तथा पत्रकार नारायण गाँऊलेको नेतृत्वमा दुई सदस्सीय समिती बनेको थियो जस्मा स्थानीय साहित्यकार डा. प्रवीण दाहालले साथ दिएका थिए ।

प्रतियोगितात्मक कबिता बाचनको कार्यक्रमको लगत्तै अप्रतियोगितात्मक कबिताहरु पनि बाचन गरिएका थिए । कार्यक्रममा ललित दुधराज र प्रतिमा दुधराजले भानुभक्त संबन्धित सुमधुर गीत संयुक्त रुपमा प्रस्तुत गरे । प्रतियोगितामा भाग लिने कबिहरुमा लक्ष्मि पौडेल , निर्मला न्यौपाने , लाल बहादुर गुरुंग , प्रतिमा दुधराज , भरत पौड्याल , एलेक्स सापकोटा , ऋसब न्यौपाने , आद्या भट्टराई र केनिशा गौतम थिए भने कार्यक्रममा अन्य थप १० वटा अप्रतियोगि कबिताहरु पनि बाचन गरिएका थिए जस्मा त्रिलोचन गौतम , बलदेब भट्ट , प्रतिमा दुधराज , लक्ष्मी पौड्याल , किरण प्रधान , सभापति कृष्ण न्यौपाने, बिनोद अधिकारी,  निर्णायक मण्डलीको तर्फबाट नारायण गाऊँले र संयोजक ओमकार अधिकारीले पनि आआफ्ना कबिता बाचन गरेका थिए ।

Bhanu

कबिता बाचनकै क्रममा नारायण गाँऊलेले निर्णायक मण्डल को तर्फबाट बोल्दै कबिता मूल्यांकन गर्नु एक चुनौतीपूर्ण काम भएको र यसमा कुनै बैज्ञानिक मापनयन्त्र नभएको हुँदा नतीजा सबैलाई चित्त नबुझ्न सक्छ भन्दै आँफुलाई बिश्वास गरी यो महत्वपूर्ण जिम्मेवारी सुम्पेकोमा आयोजक दुवै सँस्थालाई धन्यवाद पनि दिए । यसरि निर्णायक मण्डलबाट प्राप्त नतीजा कार्यक्रम संचालक ओमकार अधिकारीले सुनाएका थिए भने रेडिंग नेपाली समाजका पुर्ब अध्यक्ष्य द्वय अर्जुन बस्नेत तथा मान बहादुर गुरुंग , कार्यक्रमका प्रमुख अतिथि किरण प्रधान , सभापति न्यौपाने र सह - आयोजकको तर्फबाट बिनोद अधिकारी र निर्णायक मण्डलको तर्फबाट नारायण गाऊँलेले पुरस्कार तथा प्रमाणपत्र बितरण गरेका थिए ।

Bhanu

१८ बर्ष मुनीको समुहमा केनिशा गौतम प्रथम, आद्या भट्टराई दोस्रो र एलेक्स सापकोटा तृतिय भए भने ऋसब सापकोटाले सान्त्वना पुरस्कार प्राप्त गरे । त्यस्तै १८ बर्ष माथीको समुहमा भरत पौड्याल प्रथम, प्रतिमा दुधराजले दोस्रो र लाल बहादुर गुरुंगले तेस्रो स्थान प्राप्त गरे भने लक्ष्मी पौडेल र निर्मला न्यौपानेलेले सान्त्वना पुरस्कार प्राप्त गरे । प्रतियोगितामा भाग लिने सबैको लागि प्रसंसापत्र प्रदान गरिएको थियो भने उत्कृष्ट ठहरिएका दुबै समुहका प्रतियोगि हरुको लागी सुनौला ट्रफि पुरस्कारको रुपमा प्रदान गरिएको थियो । अत्त्यमा कार्यक्रममा उपस्थित संपुर्ण साहित्यिक मनहरूलाई रेडिंग नेपाली समाज र साहित्य संगम युकेको तर्फबाट धन्यवाद ज्ञापन गर्दै संयोजक अधिकारीले कार्यक्रम समापन भएको घोषणा गर्दै सभा बिसर्जन गरिएको थियो ।

युकेमा विभिन्न स्थानमा हुने यस्ता कार्यक्रमले नेपाली भाषा तथा साहित्यको संरक्षण र विकास हुने राम्रो सम्भावना देखिन्छ । पुरानो पुस्ता संगै नयाँ पुस्तालाई पनि यसरि संगसंगै अगाडी बढ्न हौसला गर्नु प्रसंसनिय कार्य हो ।

Bhanu

धादिङ-नुवाकोट समाजको साधारण सभा सम्पन्न - कलाकार मीना लामा सम्मानित

धादिङ र नुवाकोटबाट बेलायतआई बसोबास गरिरहेका नेपालीहरुको साझा संस्था धादिङ नुवाकोट समाज यूके (DNS UK) को ११औं बार्षिक साधारण सभा हिजो अल्ससर्ट स्थीत गोर्खा किचनमा सम्पन्न भएको छ ।  संस्थाको अध्यक्ष सी बी तामाङको अध्यक्षतामा सम्पन्न सो साधारण सभा महासचिब धन बहादुर पाख्रिनले संचालन गर्नु भएको थियो ! धादिङ-नुवाकोट-रसुवा क्षेत्रको मौलिक संस्कृतिलाई प्रवासमा समेत संरक्षण र संबर्धन गर्ने अभिप्रायले २०११ देखि अस्तित्वमा रहेता पनि बिगत २ महिना अघी मात्र संस्थागत आकार दिईएको 'मेन्दोमायां परिवार' का संस्थापक अध्यक्ष हरि सिं गुरुङ तथा महासचिब बम ब्लदेनलाई स्वागत तथा सम्मानबाट शुरु भएको उक्त कार्यक्रममा स्वागत मन्तब्य उपाध्यक्ष देबी रानी गुरुङले गर्नु भएको थियो ! बिगत बर्षमा भए गरेका कृयाकलापहरुको बिस्तृत प्रतिबेदन महासचिब धन पाख्रिनले प्रस्तुत गर्नु भएको थियो भने कोषाध्यक्ष दीप ब गुरुङले संस्थाको आयब्यय प्रस्तुत गर्नु भएको थियो ! ब्यापक छलफल पश्वात हलले सर्बसम्मले प्रगती प्रतिबेदन तथा आर्थिक प्रतिबेदन पास गरेको थियो ! अध्यक्ष सी बी तामाङले संस्थाले अल्पकालिन तथा दीर्घकालिन रुपमा लिन पर्ने कार्य दिशाको बारेमा संस्थागत उधेश्य, लक्ष, कार्यदिशा र योजनाहरु प्रस्तुत गर्नु भएको थियो ! च्यारीटी दर्ता संयोजक कृष्ण प्रसाद तिमिल्सिनाले दर्ता प्रकृयाको बारेमा हाल सम्म भए गरेका प्रगति प्रतिबेदन प्रस्तुत गर्नु हुंदै सभामा उठेका जिज्ञासाहरुको जवाफ दिनु भएको थियो ! संस्थाका संस्थापक अध्यक्ष नारायण गुरुङ, पूर्ब अध्यक्ष राम बहादुर गुरुङ, निवर्तमान अध्यक्ष बम ब्लदेन, सल्लाहकार त्रय रामशरण सिमखडा,  मे (री) बिष्णु घले, मोतीमान बज्राचार्यले संस्थाको भावी कार्यक्रमको बारेमा आफ्ना धाराणाहरु राख्नु भएको थियो ! आगामी ११ अगष्टमा ह्यारो फुटबल क्लब मा सम्पन हुन गै रहेको 'बार्षिक समर भेटघाट' लाई भब्यरुपमा सम्पन्न गर्न बिभिन्न उप-समितिहरु निर्माण गर्दै भब्यरुपमा साधारण सभाको समापन अध्यक्षबाट गरिएको थियो !


  Dhading

  कार्यक्रमको दोश्रो शत्रमा नेपाली कन्सर्टको लागी मगर संघ यूकेको निमन्त्रणामा ईन्द्रेणी सांस्कृतिक परिवारकी कार्यक्रम संचालिका तथा धादिङकी राष्ट्रिय लोक तथा दोहोरी गायिका मीना लामालाई संस्थाक अध्यक्ष सी बी तामाङ, पूर्ब अध्यक्षहरु नारायण गुरुङ, राम बहादुर गुरुङ तथा मेन्दोमाया परिवारको तर्फबाट अध्यक्ष हरि सिं गुरुङले खादा, प्रमाण-पत्र तथा नगद सहयोगले सम्पान ब्यक्त गर्दै कला संस्कृती र जिल्लाको समेत पहिचानलाई उंचो राख्न कलाकार मीना लामालाई शुभ-कामन दिईएको थियो ! सम्पानित कलाकार लामाले भाबबिभोर हुंदै यो सम्मान र मायांलाई संधै शिरमा राखेर यहांहरुको भावनाको कदर गरि रहने प्रतिज्ञा समेत गर्नु भएको थियो !

  Dhading
ज्ञातब्य रहोस: धादिङ र नुवाकोट दुई जिल्लालाई समेटेर बनाईएको यस संस्था बिगत ११ बर्ष देखी बेलायतमा कृयाशिल छ र बिभिन्न समाजिक कृयाकलापमा कृयाशिल हुंदै आएको छ । 

  Dhading

  Dhading

 

बेलायतमा एमाले र माओबादी पार्टीका मंचहरु बीच एकता बारे छलफल

२१ मे २०१८

रेडिंग, युके

 

नेपालका दुई ठुला कम्युनिस्ट पार्टीहरु नेपाल कम्युनिस्ट पार्टी एमाले र माओबादी केन्द्र बीच गत १७ मे (जेष्ठ ३ गते) मा पार्टी एकीकरण सम्पन्न भएपछि बिस्तारै यसको प्रभाब बेलायतमा पनि देखिएको छ / एमालेको भातृ संगठनको रुपमा सक्रिय रहेको प्रबासी नेपाली मंच रेडिंग इलाका कमिटीले गत आइतबार २० जुलाइका दिन केक काटेर पार्टी एकताको स्वागत गरेको छ / रेडिंग इलाका कमिटिका अध्यक्ष्य प्रतिमा केसी तथा पुर्ब अध्यक्ष्यहरु अर्जुन बस्नेत र डा. कृष्ण रेग्मीले संयुक्त रुपमा केक काटेर सबैसंग खुसी साटेका थिए / स्थानीय थेम्स भ्याली पार्कमा रेडिंग तथा स्वीन्डन  क्षेत्रमा बसोबास गर्ने एमाले समर्थक तथा शुभेच्छुकहरुको ठुलो उपस्थितिमा बिबिक्यु तथा मनोरंजन गरी उक्त स्वागत कार्यक्रम सम्पन्न भएको छ / रेडिंग इलाका कमिटि अध्यक्ष प्रतिमा केसीको अध्यक्ष्यता, सचिब कृष्ण आचार्यको संचालन र उपाध्यक्ष्य नारायण कंडेलको स्वागत मन्तब्यबाट शुरु भएको उक्त कार्यक्रममा प्रबासी नेपाली मंचका युरोप क्षेत्रीय सदस्य राम शरण सिम्खडाको प्रमुख आतिथ्यता तथा प्रबासी नेपाली मंच बेलायतका उपाध्यक्ष्य द्वय कुमार केसी र नारद भण्डारीको उपस्थिति रहेको थियो /

बिबिक्यु सहितको खानपान, औपचारिक कार्यक्रम तथा मनोरन्जन गरी तीन चरणमा गरिएको उक्त कार्यक्रममा बोल्दै मंचका युरोप क्षेत्रीय सदस्य तथा पुर्ब अध्यक्ष्य राम शरण सिम्खडाले एमाले र माओबादी पार्टी एकीकरण एक ऐतिहासिक कार्य भएको र देश विकासको लागी एउटा महत्वपूर्ण खुड्किलो हुने बताए / त्यसै गरी प्रबासी नेपाली मंचका उपाध्यक्ष तथा रेडिंग इलाका इन्चार्ज  नारद भण्डारीले माओबादीसंग बिगतमा कतिपय कुरामा मनमुटाब र असमझदारी भए पनि पार्टी एकीकरण स्वागतयोग्य रहेको बताए / प्रबासी नेपाली मंच बेलायतका पुर्ब सल्लाहकार तथा रेडिंग इलाका कमिटिका पुर्ब अध्यक्ष डा. कृष्ण रेग्मीले पार्टी एकीकरण आफैमा राम्रो कुरा हो तर यसलाई पूर्ण रुपमा व्यवहारमा लागु गरेमा मात्र हाम्रो यो खुसी बास्तबिक खुसीमा परिणत हुनेछ भन्नु भयो / उक्त कार्यक्रममा बुद्दिजिबि डा. चन्द्र बहादुर गुरुङ, रेडिंग इलाका कमिटिका पुर्ब अध्यक्ष अर्जुन बस्नेत तथा देबेन्द्र श्रेष्ठले समेत आफ्नो भनाइ  राख्नु भएको  थियो /

कार्यक्रममा प्रबासी नेपाली मंच युकेका उपाध्यक्ष्य कुमार केसीले तीनवटा प्रस्ताबहरु पेश गर्नु भएको थियो / दुवै पार्टी एकीकरण भएकोमा सर्बसम्मत रुपमा स्वागत गर्ने, रेडिंग तथा त्यस क्षेत्रमा रहेको माओबादीको भात्रृ संगठन नेपाली जनप्रगतिशील मंचसंग एकताको छलफल गर्न पाँच सदस्यीय कमिटि गठन गर्ने र लामो समयदेखि स्वास्थ्य उपचार गराइरहेका प्रा. नारायण गुरुङको स्वाथ्यलाभको कामना गर्ने प्रस्ताब प्रस्तुत गर्दा सर्बसम्मत रुपमा पारित भएको थियो / एकता बार्ता तथा छलफलका लागी सो भेलाले रेडिंग इलाका कमिटिका अध्यक्ष्य प्रतिमा केसीको संयोजकत्वमा डिल्ली घिमिरे, यादव श्रेष्ठ, भीमसेन खड्का र करन गुरुङ रहेको पांच सदस्यीय कमिटि बनाएको छ /

कार्यक्रमको अन्तमा इलाका कमिटिका अध्यक्ष प्रतिमा केसीले यो बिशेष खुसीको दिन हो अब हामी रेडिंग तथा बेलायतभर रहेका दुवै मंचका सदस्यहरु निकट भविष्य मै एक हुनेछौ भन्दै घरघरबाट खानेकुराका बिभीन्न परिकार बनाएर ल्याउनु हुने दिदीबहिनी, बिबिक्यु ब्यबस्थापनमा बिशेष भूमिका निभाउनु हुने भीमसेन खड्का, रामेश्वोर थापा, सुरेश थापा तथा लक्ष्मण श्रेष्ठलाई धन्यबाद समेत दिएका थिए /

आजको विनिमय दर
>